एसपी रिपोर्टर
जनकपुरधाम, चैत २६ : आज चैत शुक्ल पुर्णिमाको दिन हनुमान जयन्ती व्रत समेत परेको छ । तर लकडाउनका कारण विश्वनै घर भित्रै रहेको अवस्थामा हनुमान जयन्ती अन्य वर्ष जस्तो विभिन्न कार्यक्रम गरि मनाउने अवस्था भने छैन । यस अघि विभिन्न कार्यक्रम गरि हनुमान जयन्ती मनाउदै आएको जनकपुरधाम स्थित गौ संरक्षण मञ्चले यस वर्ष घरमै दिप प्रज्वलन गरि जयन्ती मनाउन आहवान गरेको छ ।
विश्वमा संकट रहेको बेलामा संकटमोचन हनुमान जीको जयन्तीको अवसरमा आज साँझ घरमै दिप प्रज्वलन गरि मनाउन मञ्चका अध्यक्ष जगदिश महासेठले समाजिक सञ्जाल तथा अन्य माध्यमहरुवाट सवैमा अपिल गरेका छन् । ‘घरवाट निसक्ने अवस्था नरहेकाले आज साँझ घरमै पाँचवटा नभए आफुले भ्याए सम्मको दिप प्रज्वलन गरि हनुमान जीको जयन्ती मनाउनु होस’, अध्यक्ष महासेठले भने, संकटको यस घरिवाट हनुमान जी तपाँई हामी सवैको रक्षा गर्नुहुनेछ र यस संकटको समाधान गर्दै सवैलाई अवश्य बचाउनु हुनेछ ।’
